graphics academy



 
الرئيسيةالتسجيلدخول

شاطر | 
 

 الفصل الاول ( دورة شرح برانامج فوتوشوب) : تشغيل البرنامج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
graphics
Admin
Admin
avatar

عدد المساهمات : 594
نقاط : 4602
السٌّمعَة : 4
تاريخ التسجيل : 15/06/2010

مُساهمةموضوع: الفصل الاول ( دورة شرح برانامج فوتوشوب) : تشغيل البرنامج   الخميس فبراير 09, 2012 1:17 am

***الفصل الأول***

* تشتغيل البرنامج:




عند
تشتغيل برنامج الفوتوشوب يستغرق تحميله وقت أكبر من البرامج الأخرى وذلك
لقيامه بتحميل المؤثرات والخطوط والقوائم ...الخ.
وعند الانتهاء من التحميل تظهر الصورة التاليه:






- طبعا لازم أول شيء تعرف مكونات شاشة عمل برنامج الفوتوشوب.

1- شريط العنوان:
يمتد هذا الشريط على طول شاشة البرنامج وتكون أعلى شيء فى الشاشة.

2- شريط قوائم الأوامر:
ويقع
تحت شريط العنوان مباشرة، ويحتوى على تسعة قوائم، عندما تقوم بالضغط على
أى من هذه القوائم تظهر لائحة أوامر، كل أمر يقوم بتنفيذ مهمة، وبعض من هذه
الأوامر تكون بها رأس سهم الى اليمين تعنى أن هذا الأمر يحتوى على قائمة
أوامر فرعية.

*ملحوظة:
(بعد هذه الأوامر تكون غير نشطة أى أنه لا يمكن تنفيذها الآن، حيث أنها لم تتوفر الشروط الازمة لعملها).

وهذه القوائم هي:
*
File : تحتوى هذه القائمة على الأوامر المتعلقة بالتعامل مع الملف مثل فتح
ملف واغلاقه وحفظه وتحتوى ايضا على أوامر استيراد وتصدير الملفات من والى
برامج اخرى، وتحتوى أيضا على أوامر طباعة الملف.
* Edit : تحتوى على أوامر القص والنسخ واللصق والتراجع عن تنفيذ أمر.
*
Image : تحتوى على الأوامر الخاصة بتحرير الصور مثل تحويل نمط الصورة
ووضوحها وحجمها ودقتها والتحكم بدقة الألوان ودوران الصورة والتحكم فى
زاوية الدوران.
* Layer : تحتوى على أوامر خاصة بالطبقات مثل اضافة طبقة جديدة و دمج الطبقات وترتيبها وأسلوبها.
* Select : تحتوى على أوامر خاصة باختيار جزء معين وكيفية التحكم به.
* Filter : تحتوى على أوامر اضافة مؤثرات للصورة او التصميم بطريقة سريعة وبدون مجهود.
* View : تحتوى على أوامر التحكم بعرض وحجم الصورة على الشاشة وتقوم بعمل زووم على التصميم.
* Window : تحتوى على المنافذ التى تظهر فى البرنامج ما اذا كنت تريد اظهارها أو لا.
* Help : للمساعدة.


3- شريط الخصائص:
يكون هذا الشريط مساعد هام فى انجاز التصميم، ويتغير محتوياته تبعا للأداة التى تختارها من شريط الادوات،
(حيث كل أداة لها خصائص تقوم انت بتحديدها حسب رغبتك).

4- اللوحات:
هي
لوحات جانبية، كل لوحة يكون لها وظيفة محددة او تحتوى على عدة وظائف، مثل
لوحة العرض ولوحة خطوات العمل ولوحة الكتابة ولوحة الطبقات ولوحة الألوان.

5- شريط الاداوت:
ويكون
فى يسار الشاشة، يحتوى هذا الشريط على الأدوات اللازمة للرسم والتحرير،
مثل القلم والفرشاة والممحاه وتحتوى أيضا على خيارات تحديد اللون المراد
استخدامه.

" كدة قولنا تقريبا جميع محتويات ومكونات شاشة عمل البرنامج".
*************************************************
- نبتدى بإذن الله الدرس الأول:
*1* فتح ملف جديد:
لفتح ملف جديد قم بالضغط على File من شريط قوائم الأوامر، وسوف تظهر لك قائمة اختار منها New فسوف يظهر لك هذا المربع:






عادة يفضل ترك درجة الوضوح 72 كما هي الا طبعا فى بعض الحالات هنقولها بعدين.
وطبعا هقولكم نمط الألوان بعدين، وبرده خليها كما هي RGB
وطبعا حدد حجم التصميم اللى انت عايزه حسب رغبتك وبعد كدة اضغط اوكى.

*2* فتح واغلاق الصور:
لفتح
صورة قم بالضغط على File (مش هعد كل مرة أقول "من شريط قوائم الاوامر"
ركزوا معايا شوية ،متنسوش اني قولت فى الأول ان الشرح عايز تركيز)
خلينا نقول اضغط على File ثم اختار Open هيظهرلك المربع اللى عن طريقه هتختار الصورة من على الجهاز أو من اي مكان وبعد كدة اضغط Open
أو هناك اختصار أسهل وأسرع بالكيبورد Ctrl+O

لاحظ
عند فتح الصورة فى برنامج الفوتوشوب وجود لوحات جانبيه منها لوحة تقع فى
أعلى الجانب الأيمن تحتوى على لوحتين أو ثلاثة Navigator و Info و
Histogram
هتلاحظ
أن لوحة Navigator هي تدل على مقياس عرض الصورة، وعند تحريك المؤشر أسفل
اللوحة حتى تصل الى مقياس 100% وهو الحجم الطبيعي للصورة ، أو اضغط على
الرمز اللى على شكل الهرم موجود على يمين المؤشر لتكبير الصورة بدرجات
محددة ، أو اضغط على الرمز اللى على شكل الهرم ولكن موجود على يسار المؤشر
وأصغر من الآخر لتصغير الصورة بدرجات محددة، وفى كل خطوة تظهر لك قيمة
المقياس فى أقصى اليسار فى الأسفل، والمستطيل اللى موجود فى وسط الصورة
يظهر لك الجزء المبين على شاشة العرض، وممكن باستخدام الماوس تحريك
المستطيل ده على أجزاء أخرى من الصورة،زي الصورة دي:



وممكن
تغير لون المستطيل اللى بيظهر الجزء المحدد من الصورة بواسطة الضغط على
السهم اللى موجود فى أعلى اللوحة فى أقصى اليمين هيظهر لك اختيارين اختار
Palette Options هيظهرلك مربع يمكنك من خلاله تغيير اللون وبعد اختيار
اللون اضغط على OK

ومن شريط الادوات يوجد أداتين أداة العدسة وأداة الكف (Zoom Tool,Hand Tool)
تقوما
بنفس عمل لوحة Navigator حيث أن العدسة تستخدم فى تكبير وتصغير الصورة،
فعند اختيار العدسة اضغط بها فوق الصورة لتكبيرها ، وبالضغط بالعدسة على
الصورة مع الضغط على مفتاح Alt فى نفس الوقت هتقوم بتصغير الصورة .
(وبتكرار الضغط سوف يتم تكرار التصغير أو التكبير)
أو
عند الضغط على المسطرة فى الكيبورد Space bar ستتحول العدسة (أو اي أداة
انت مختارها) الى أداة الكف، يمكنك تحريك الصورة (مع الاستمرار بالضغط على
المسطرة)، حيث أداة الكف عند اختيارها وبالضغط بالكف على الصورة مع التحريك
لتنتقل أى جزء أخر من الصورة انت عايزه.
ملحوظة:
عند اختيار أداة العدسة سوف تظهر لك على شريط الخصائص كما فى الصورة دي:



عند اختيار رمز العدسة الموجب (يتم تكبير الصور) أما عند اختيار رمز العدسة السالب (يتم تصغير الصورة).
Actual Pixels عند اختياره يظهر الحجم الحقيقي للصورة بمقياس 100%
(وهتفرق بالنسبة لل Resolution هشرحه قدام شوية)(مقدار درجة الوضوح)
Fit On Screen عند اختياره يظهر الصورة على المساحة المتوفرة من شاشة العرض.
Print Size عند اختياره يظهر الصورة بحجم الطباعة.
*************************************************
نرجع
بقى تانى للوحة Navigator هتلاقي اختيار آخر اسمه Info واضغط على الكلمة
عشان تظهر اللوحة وهي بتعطي معلومات عن الألوان الأساسية ودرجاتها فى
المنطقة اللى فيها مؤشر الماوس لما يكون فوق الصورة، ودرجات الألوان دي
هتظهر بنمطين RGB , CMYK
وتقدر تغير نمط الألوان بواسطة الضغط على السهم اللى موجود أعلى اللوحة فى أقصى اليمين واختيار الأمر Palette Options
(وان شاء الله هشرح نمط الألوان بالتفصيل)
أما بقى الجزء السفلى فى اليسار من لوحة Info يحدد احداثيات مؤشر الماوس لما يكون فوق الصورة،
والجزء
ده مهم وهتحتاجه لما تكون عايز تعرف طول أو عرض أو ارتفاع جزء معين أو شيء
معين فى الصورة أو التصميم وذلك من خلال الأداة Measure Tool وهي أداة
المسطرة وتكون على شكل المسطرة وموجودة فى شريط الأدوات مع أداة Eyedropper
(هتختار
المسطرة وتضغط بالماوس من بداية الجزء اللى عايز تعرف طوله وتمشي بالماوس
حتى نهاية المكان وهيظهرلك الطول اللى انت عايز تعرفه.
وهيظهرلك فى نفس لوحة Info على اليمين فوق زاوية (Angle) وهي تكون بين نقطة بداية المسطرة اللى انت حددتها ونقطة النهاية .
أما الجزء السفلى فى اليمين فهو خاص بأداة القطع Crop (ودي شرحها بعدين).
*************************************************
* اظهار واخفاء المسطرة:
زي ما قدامكوا فى الصورة دي ممكن تظهر المسطرة اللى موجودة على اطار الصورة أو تخفيها





وذلك
عن طريق اختيار قائمة View ثم اختيار الأمر Show Rulers لإظهارها والضغط
عليها مرة أخرى لإخفائها ، أو هناك اختصار لها وذلك عن طريق الضغط على
مفتاح Ctrl+R من الكيبورد، وستظهر المسطرة بوحدة الإنش وده الوضع الإفتراضي
ويمكن تغيير وحدة المسطرة الى البيسكل او الملليمتر او السنتيمتر أو...،
وذلك عن طريق اختيار قائمة Edit ومنها اختار Preferences ومنها اختار
Units&Rulers وهيظهرلك مربع اختار منه الوحدة اللى انت عايزها، أو هناك
اختصار لها وأسهل وذلك بالضغط كليك يمين بالماوس على المسطرة نفسها
واختيار الوحدة اللى انت عايزها.
*************************************************
*خطوط الشبكة والخطوط الإرشادية :
الشبكة
هي خطوط وهمية يظهرها لك البرنامج على شاشة الصورة بمقياس الرسم اللى انت
حددته عشان تساعدك فى ترتيب ومحاذاة الصور والكائنات والنصوص فى التصميم،
ومعنى أنها وهمية انها لا تظهر فى الطباعة.
لكي
تظهر خطوط الشبكة اختار قائمة View ثم Show ومنها Grid ، وباختيارها مرة
اخرى سوف يتم اخفائها، أو هناك اختصار لها وأسهل طبعا بواسطة الكيبورد
مفتاحي Ctrl+' (حرف ط)،ويمكن أيضا التحكم فى لون هذه الخطوط والمسافات بين
هذه الخطوط وأيضا شكل الخطوط نقاط أو متقطعة أو خطوط متصله وطبعا كل ده
هيظهر فى التصميم أو الصورة قبل ما تضغط OK عشان تحدد اللى يناسبك وذلك عن
طريق :
Edit > Preferences > Guides,Grid & Slices
طبعا Guides مسئولة عن الشبكة أما Grid مسئولة عن الخطوط الإرشادية.
أما
الخطوط الإرشادية هي أيضا خطوط وهمية وهي عبارة عن خطوط أفقية ورأسية يمكن
أن تنشأها فى أى مكان انت تحدده عشان تساعدك فى المحاذاة، ولكى توضع خط
أفقى تقوم بالضغط بالماوس على المسطرة الأفقية واسحب للمنطقة اللى انت
عايزها ، ولكى توضع خط رأسي نفس الطريقة ولكن طبعا من المسطرة الرأسية.
وطبعا
عند تعديل مكان الخط الإرشادى وجه الماوس عند الخط بالضبط حتى يتحول مؤشر
الماوس الى شكل خطين متوازيين ثم حركه للمكان اللى انت عايزه.
-ولكي تحذف خط إرشادي معين امسكه بالماوس واسحبه خارج الصورة (أو اسحبه الى المسطرة)
-ولكى تحذف أو تتخلص من جميع الخطوط الإرشادية عن طريق
View > Clear Guides
أو هناك اختصار بواسطة الكيبورد اسهل وأسرع بواسطة مفتاحي Ctrl+Z والضغط عليها مرة اخرى سوف تظهر هذه الخطوط.
وممكن أن تتحكم فى مكان أو موقع الخطوط الإرشادية بطريقة دقيقة وبالضبط عن طريق:
View > New Guide
وهيظهرلك مربع Vertical يعني خط إرشادي رأسي
Horizontal يعني خط إرشادي أفقى
Position تكتب فيها المسافة المراد ظهور فيها الخط الإرشادي .
وبتكرار الطريقة وتغيير Position لعمل اكثر من خط.

*************************************************
*************************************************
*************************************************

الفصل الاول ( دورة شرح برانامج فوتوشوب) : تشغيل البرنامج
الفصل الثاني ( دورة شرح برانامج فوتوشوب) : الصور فى برنامج الفوتوشوب
الفصل الثالث ( دورة شرح برانامج فوتوشوب) :أدوات التحرير لإزالة عيوب الصورة
الفصل الرابع ( دورة شرح برانامج فوتوشوب) : آدوات التحديد
الفصل الخامس ( دورة شرح برانامج فوتوشوب) : آدوات النسخ والفرش
الفصل السادس ( دورة شرح برانامج فوتوشوب) : كتابة النصوص
الفصل السابع ( دورة شرح برانامج فوتوشوب) : قائمة History
الفصل الثامن و الاخير( دورة شرح برانامج فوتوشوب) : شرح استخدام الفلاتر Filters



الرجوع الى أعلى الصفحة اذهب الى الأسفل
http://neogeni.yoo7.com
 
الفصل الاول ( دورة شرح برانامج فوتوشوب) : تشغيل البرنامج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
graphics academy :: منتدى برامج ودروس وأضافات الفوتوشوب :: دروس الفوتوشوب مكتوبة & مصورة-
انتقل الى: